Google ADS

Akil Gjakova është i artë në Kampionatin Evropian U-23

17:09 | 3 Nëntor 2018
Arbresh Info

Xhudisti ynë vazhdoi formën e mirë të shfaqur këtë vit, duke u shpallur kampion i evropianit, që po mbahet në Gyor të Hungarisë.

Gjakova në finalen e kategorisë deri në 73 kilogramë, mposhti me Ippon Rufat Mamadov të Azerbajxhanit.

Paraprakisht, Akili kishte shënuar edhe katër fitore tjera, ndërsa raundin e parë e kaloi pa luftë.

Në raundin e dytë mundi serbin, Filip Jovanoviq, të të tretin mposhti holandezin, Roy Schipper, kurse në çerekfinale italianin, Gabriele Sulli. Fitore maestrale me Ippon shënoi në gjysmëfinale ndaj Marcel Cercea të Rumanisë.

Sot garoi edhe Laura Fazliu, e cila shënoi një fitore dhe dy humbje në kategorinë -63 kg.

Njërën humbje e pësoi në repeshazh. Një fitore dhe një humbje i pati dje edhe Flaka Loxha në kategorinë -57 kg.

Nesër garojnë, Loriana Kuka (-78 kg), Andi Artani (-90 kg) dhe Shpati Zekaj (-100 kg)./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm